DRC yaapa kurudisha amani

DRC yaapa kurudisha amani

Serikali ya Jamhuri ya Kidemokrasia ya Congo imeahidi kurej... 06:03

Serikali ya Jamhuri ya Kidemokrasia ya Congo imeahidi kurejesha amani na usalama katika maeneo ya mashariki mwa nchi hiyo yanayokabiliwa na hali ya kuzorota usalama. Serikali ya nchi hiyo imesisitiza kuwa, itachukua hatua za lazima kwa shabaha ya kurejesha usalama katika maeneo ya mashariki mwa nchi hiyo. Serikali ya Jamhuri ya Kidemokrasia ya Congo imesema katika taarifa yake hiyo kwamba, haitaacha kuchukua hatua yoyote ile itakayosaidia kurejesha amani na usalama katika maeneo hayo. Taarifa ya serikali ya Kinshasa imekuja siku chache tu baada ya kushuhudiwa mauaji mtawalia dhidi ya raia katika mkoa wa Beni ulioko mashariki mwa nchi hiyo. Makumio ya watu wameuawa wiki iliyopita, hali ambayo imezusha wasiwasi mkubwa miongoni mwa wakazi wa maeneo hayo. Taarifa zaidi zinaonesha kuwa, waasi wa Uganda wa ADF-NALU ndio wanaofanya mauaji hayo. Vikosi vya usalama vya serikali na vile vya kusimamia amani vya Umoja wa Mataifa MONUSCO vinakosolewa kwa kushindwa kulinda roho za raia katika maeneo hayo hasa mkoani Beni.