Mawaziri EAC watoa maazimio matatu kuhusu Burundi

Mawaziri EAC watoa maazimio matatu kuhusu Burundi

Mawaziri wa Afrika Mashariki... 05:54

Mawaziri wa Afrika Mashariki kutoka nchi tano za Jumuiya ya Afrika Mashariki (EAC), walikutana jana mjini Arusha kaskazini mwa Tanzania na kujadili hali ya uchaguzi nchini Burundi na mwisho wa mkutano huo wametoa maazimio matatu. Miongoni mwa maazimio hayo ni kuitaka Tume ya Uangalizi ya Uchaguzi wa Burundi kutoka nchi za EAC, inayoongozwa na Jaji Joseph Warioba kuendelea na kazi hiyo nchini humo mara moja. Aidha, imeazimiwa kuwa, Mwenyekiti wa Baraza la Mawaziri wa EAC, Dk Harrison Mwakyembe na Katibu Mkuu wa Jumuiya ya EAC, Dk Richard Sezibera kutembelea Burundi mapema iwezekanavyo kwa lengo la kujionea hali halisi katika nchi hiyo. Vilevile mkutano huo, umewapa jukumu mawaziri wa Jumuiya ya Afrika Mashariki kutembelea kambi za wakimbizi zilizopo Rwanda na Tanzania kwa lengo la kujionea hali halisi ya maisha ya wakimbizi katika kambi zote zilizopo katika nchi hizo.

tehran swahili radio.