NIYOMBARE KAMANDA ALIYEMPINDUA RAIS BURUNDI BADO HAJULIKANI ALIPO

NIYOMBARE KAMANDA ALIYEMPINDUA RAIS BURUNDI BADO HAJULIKANI ALIPO

 Baadhi ya makamanda waliohusika na jaribio la mapinduzi ya kijeshi lililofeli nchini Burundi, walipandishwa kizimbani katika mahakama ya... 10:08

 Baadhi ya makamanda waliohusika na jaribio la mapinduzi ya kijeshi lililofeli nchini Burundi, walipandishwa kizimbani katika mahakama ya Bujumbura jana Jumamosi. Miongoni mwa watuhumiwa hao 17 ambao walitakiwa kujibu mashitaka dhidi yao mbele ya mahakama, ni pamoja na Jenerali Cyrille Ndayirukiye na viongozi wawili wa polisi. Hata hivyo Meja Jenerali Godefroid Niyombare aliyeongoza jaribio hilo la mapinduzi bado hajulikani alipo. Watuhumiwa hao walitiwa mbaroni jijini Bujumbura na askari watiifu kwa Rais Pierre Nkurunziza baada ya rais huyo kurudi Ikulu Ijumaa ya juzi ya tarehe 15 Mei. Kwa mujibu wa habari za hivi karibuni, hali ya usalama mjini Bujumbura bado si shwari. Hii ni katika hali ambayo wanaharakati wa haki za binaadamu, wameituhumu serikali ya Rais Pierre Nkurunziza, kwa kukandamiza vyombo binafsi vya habari na kutoa vitisho dhidi ya viongozi wa kisiasa wa upinzani. Serikali ya Burundi inavituhumu vyombo hivyo vya habari kuwa vinawachochea wananchi kumiminika mabarabarani jijini Bujumbura na kufanya maandamano ambayo hadi sasa yameshapelekea kuawa watu wasiopungua 25