JKT Ruvu yaipania Simba

JKT Ruvu yaipania Simba

TIMU ya soka ya JKT Ruvu imepiga kambi kwenye Hoteli ya Ndege Beach nje kidogo ya jiji la Dar es Salaam kujiandaa na mechi ya kesho ya Ligi ... 04:37

TIMU ya soka ya JKT Ruvu imepiga kambi kwenye Hoteli ya Ndege Beach nje kidogo ya jiji la Dar es Salaam kujiandaa na mechi ya kesho ya Ligi Kuu dhidi ya Simba kwenye Uwanja wa Taifa, Dar es Salaam.
Kwa mujibu wa Msemaji wa JKT Ruvu, Ofisa Mteule Daraja la Pili, Costantine Masanja, timu hiyo inafanya mazoezi katika kambi ya Mbweni JKT.
Masanja amesema hali ya kambi ni nzuri na yenye utulivu mkubwa, na kuwa JKT Ruvu inaendelea na operesheni ushindi kama ilivyokuwa katika michezo yake mitatu iliyopita kwa kushinda mbili na kwenda sare moja.
“Hivyo katika mchezo na Simba, JKT Ruvu itacheza kwa uwezo wake wote ili itoke na ushindi ili kushika nafasi za juu,” alisema Masanja.
Akimnukuu Kocha Mkuu wa JKT Ruvu, Fred Minziro, msemaji huyo alisema vijana wake wapo vizuri kwa mpambano huo na pia amesifu uongozi wa timu hiyo kwa kumwunga mkono katika shughuli za maendeleo ya timu.
Katika mechi ya kwanza, Simba ilishinda mabao 2-1, na timu hiyo imepania kuendeleza ushindi huo. HABARI LEO MEI 8-2015