Wanawake na watoto 275 wapelekwa kambini, Nigeria

Wanawake na watoto 275 wapelekwa kambini, Nigeria

Msemaji wa jeshi la Nigeria amesema mamia ya wanawake na watoto waliojaa hofu, waliookolewa kutoka kwa wanamgambo wa Boko Haram, wamepelek... 13:01

Msemaji wa jeshi la Nigeria amesema mamia ya wanawake na watoto waliojaa hofu, waliookolewa kutoka kwa wanamgambo wa Boko Haram, wamepelekwa katika kambi moja ya wakimbizi Mashariki mwa mji wa Yola. Wanawake na watoto 275 ambao wengine walionekana kuwa na majeraha mikononi na vichwani waliwasili katika kambi hiyo inayoendeshwa na taasisi ya kitaifa inayosimamia usaidizi wa dharura siku ya jumamosi usiku, baada ya kusafiri kwa muda mrefu barabarani.  Mwanamke mmoja aliyepata jeraha katika mguu wake baada ya kupigwa risasi, amesema walikuwa wameketi chini ya mti wakati jeshi lilipowasili na kuanza kupambana kwa kufyatuliana risasi na wanamgambo hao, jambo lililopelekea wengi wao kupata majeraha ya risasi. Bado haijawa wazi ni watu wangapi waliotekwa nyara na Boko Haram lakini shirika la Amnesty International linakadiria wanamgambo hao wanaotaka Mataifa ya Afrika Magharibi kuwa chini ya sheria ya itikadi kali, wamewateka nyara zaidi ya wanawake na wasichana 2000 tangu mwanzo wa mwaka 2014.